راہل گاندھی کا ٹوئٹر حکومت کے دباو پر بلاک کیا گیا: کانگریس

نئی دہلی ، 9 اگست (یو این آئی) کانگریس نے پارٹی کے سابق صدر راہل گاندھی کے ٹوئٹر ہینڈل کو بلاک کرنے کو آزادی¿ اظہار پر حملہ قرار دیتے ہوئے کہا ہے کہ ٹوئٹر انڈیا نے حکومت کے کہنے پر جانبدارانہ انداز میں یہ قدم اٹھایا ہے.

کانگریس کے جنرل سکریٹری کے سی وینوگوپال نے پیر کو یہاں جاری ایک بیان میں کہا کہ مودی حکومت کے حکم پر مسٹر گاندھی کا ٹوئٹر اکاو¿نٹ عارضی طور پر بلاک کیا گیا ہے اور ٹوئٹر انڈیا کا یہ اقدام اظہار رائے کی آزادی کی خلاف ورزی ہے۔
انہوں نے کہا کہ اس کارروائی سے یہ واضح ہوگیا ہے کہ ٹوئٹر انڈیا دوہرا معیار اپناتا ہے۔ انہوں نے کہا کہ جس تصویر کے پوسٹ کئے جانے پر مسٹر گاندھی کے ٹوئٹر اکاو¿نٹ کو بلاک کیا گیا، بھارتیہ جنتا پارٹی کے رہنماو¿ں اور کئی اہم لوگوں نے مسٹر گاندھی کے دورے سے صرف دو دن قبل 2 اور 3 اگست کو ٹوئٹر پر ایسی ہی تصاویر پوسٹ کی تھیں لیکن ان کے خلاف کوئی کارروائی نہیں کی گئی۔
کانگریس لیڈر نے الزام لگایا کہ ملک کے مختلف حصوں میں دلتوں پر ہونے والے مظالم کو کم کرنے کے اقدامات کرنے کے بجائے دلتوں کے پر ہورہے ظلم و ستم کے خلاف آگے بڑھ کر لڑائی لڑ رہے مسٹر گاندھی جیسے لیڈروں کی آواز کو دبانے کی کوشش کر رہی ہے۔
دریں اثنایوتھ کانگریس نے آج یہاں مسٹر گاندھی کے ٹوئٹر ہینڈل کو بلاک کرنے کے خلاف احتجاج کیا اور حکومت کے خلاف نعرے لگائے۔ احتجاج کی قیادت کرتے ہوئے یوتھ کانگریس کے صدر سری نواس بی وی نے ٹوئٹر انڈیا کو بتایا کہ وہ مودی حکومت سے نہیں ڈرتے۔