لاہور: گلوکار میکا سنگھ نے کہا ہے کہ پاکستان اور ہندوستان کی ثقافتیں مشترک ہیں اور پاکستان بھی اپنے گھر جیسا لگتا ہے۔لاہور پہنچنے پر میڈیا سے گفتگو کرتے ہوئے میکا سنگھ کا کہنا تھا کہ تیسری بار پاکستان آیا ہوں، یہاں کے عوام کی محبت لا زوال ہے، کراچی آنے سے لوگ گھبراتے ہیں لیکن مجھے وہاں بھی بہت پیار ملا۔ میکا سنگھ کا کہنا تھا کہ پاکستان اورہندوستان کی ثقافتی قدریں مشترک ہیں، پاکستان بھی اپنے گھرجیسا لگتا ہے۔ہندوستانی اداکار کا کہنا تھا کہ استاد نصرت فتح علی خان کو گائیکی کا بھگوان مانتا ہوں، پاکستانی گلوکارجب بھی ہندوستان آتے ہیں تو میرے گھرقیام کرتے ہیں۔واضح رہے کہ ہندوستانی اداکار رضا مراد بھی ان دنوں پاکستان کے دورے پر ہیں جب کہ گزشتہ روز بالی وڈ اداکار اوم پوری پاکستان کا دورہ کر کے واپس ہندوستان روانہ ہو ئے تھے۔
