کانگریس کو سمجھنا ہوگا کہ اس کے برے دن چل رہے ہیں: مایاوتی

لکھنؤ ، 22 اکتوبر؛کانگریس کی جنرل سکریٹری پرینکا گاندھی واڈرا کے طالبات کوا سکوٹی اور اسمارٹ فون دینے کے وعدے پر طنز کرتے ہوئے بہوجن سماج پارٹی (بی ایس پی) کی سربراہ مایاوتی نے کہا کہ الیکشن آنے پر بھارتیہ جنتا پارٹی (بی جے پی) اور سماج وادی پارٹی (ایس پی) کی طرح ’اچھے دن‘سبز باغ کے وعدے کرنے والی کانگریس کو سمجھنا ہوگا کہ اس کے برے دن چل رہے ہیں۔

2. गोरखपुर में पुलिस द्वारा होटल में एक व्यापारी की हुई दुःखद हत्या के बाद अब आगरा में पुलिस कस्टडी में एक दलित सफाईकर्मी की हुई मौत से वर्तमान भाजपा सरकार पुनः कठघरे में खड़ी है। अतः सरकार अपनी पुलिस व्यवस्था में जरूरी सुधार लाए, बीएसपी की यह माँग।

— Mayawati (@Mayawati) October 21, 2021

محترمہ مایاوتی نے جمعہ کو ٹویٹ کیا ،’ کانگریس نے انتخابی چھلاوے کے تحت بی جے پی اور ایس پی کی طرح کئی طرح کے سبز باغ والے وعدے وغیرہ کرنے شروع کر دیے ہیں جن کے تحت اس پارٹی نے یوپی میں حکومت بنانے کے بعد پاس ہونے والی طالبات کو اسمارٹ فون اور سکوٹیاں دینے کی بات کی ہےلیکن بنیادی سوال یہ ہے کہ ان پر کون اور کیسے یقین کرے؟‘

کانگریس کی راجستھان اور پنجاب میں حکومت ہے تو کیا انہوں نے وہاں کچھ ایسا کر کے دکھایا ہے جو عوام ان کی باتوں پر یقین کرلیں۔ اگر نہیں تو لوگ ان پر کیسے یقین کریں۔ یہی وجہ ہے کہ کانگریس اور بی جے پی جیسی جماعتوں کے دعووں اور وعدوں کے تئیں عوام کا اعتماد نہیں۔

انہوں نے کہا کہ عوام سے دھوکہ اور وعدہ خلافی وغیرہ کے سبب کانگریس کے برے دن چل رہے ہیں اور انہی کچھ خاص وجوہات سے بی جے پی کے بھی برے دن شروع ہو چکے ہیں۔ ’اچھے دن‘ کا خواب دکھا کر عوام پر مہنگائی، غریبی اور بے روزگاری وغیرہ کا پہاڑ توڑنے کا خمیازہ تو بی جے پی کو بھگتنا ہوگا۔