مدھیہ پردیش : سڑک حادثہ میں ایک ہی کنبہ کے چار افراد ہلاک

ستنا، 25 نومبر (یو این آئی) مدھیہ پردیش کے ضلع ستنا کے میہر تھانہ علاقے میں ٹرک سے ایک کار کی ٹکر سے کار میں سوار ایک ہی کنبہ کے چار افراد کی موت ہو گئی۔

پولیس ذرائع کے مطابق کار میں سوار لوگ کل رات ستنا سے کٹنی جا رہے تھے کہ میہر تھانہ علاقہ کے تحت جیت نگر کے قریب ان کی کار مخالف سمت سے آنے والے ٹرک سے ٹکرا گئی، جس میں ایک ہی کنبہ کے چار افراد جاں بحق ہوگئے۔ مرنے والوں کی شناخت ستیم اپادھیائے (40)، مینکا اپادھیائے (35)، ایشانی (10) اور اسنیہ (08) کے طور پر کی گئی ہے۔ پولس نے معاملہ درج کرکے تحقیقات شروع کردی ہے۔