پریاگ راج : سڑک حادثہ میں پانچ بائیک سواروں کی موت

پریاگ راج، 29 نومبر (یو این آئی) اتر پردیش میں پریاگ راج کے نواب گنج علاقے میں موٹر سائیکل سوار ایک ہی کنبہ کے چار افراد سمیت پانچ لوگوں کی موت ہو گئی۔

پولیس ذرائع نے پیر کو بتایا کہ نواب گنج کے بڈونا گاؤں کے رہنے والے رام سرن پال (60)، اس کا بیٹا للو پال (35)، سمے لال (35) اور نواسا ارجن پال (11) کے علاوہ ایک اور چندر پال عرف اونٹہرا (55) کے ساتھ اتوار کی رات دیر گئے پرتاپ گڑھ کے ہتھیگواں گاؤں میں منعقدہ شادی کی تقریب میں شرکت کے بعد وہ ایک ہی موٹر سائیکل پر گھر لوٹ رہے تھے۔

انہوں نے بتایا کہ شرنگ ور پور ہائی وے روڈ پر گاؤں گھاٹ کے قریب ایک تیز رفتار ٹرک نے ان کی موٹر سائیکل کو ٹکر مار دی، جس سے پانچ افراد شدید زخمی ہو گئے۔