اومیکرون ویرینٹ کا خوف، برطانوی وزیر اعظم نے لگوایا بوسٹر ڈوز

نئے وینرینٹ کا خوف بڑھتا ہی جا رہا ہے ،اسی خوف کے پیش نظر برطانوی وزیر اعظم نے بوسٹر ڈوز لگوا لیا ہے اور اس تعلق سے انہوں نے ایک ویڈیو بھی شئیر کی ہے۔

برطانوی وزیر اعظم بورس جانسن نے نئے ویرینٹ اومیکرون کے خطرے کے بیچ کورونا ویکسین کا بوسٹر ڈوز بھی لگوا لیا ہے۔ اس کی اطلاع انہوں اپنے ٹویٹر ہینڈل کے ذریعہ دی اور اس تعلق سے ایک ویڈیو شئیر کیا جس میں وہ بوسٹڑ ڈوز لگواتے نظر آ رہے ہیں۔

I’ve just got my booster jab from the brilliant @GSTTnhs team.

When your turn comes, get your booster and ask your friends and family to do the same. Let’s not give the virus a second chance. pic.twitter.com/1rCx4PAzgR

— Boris Johnson (@BorisJohnson) December 2, 2021

بورس جانسن نے ویڈیو میں کہا ہے کہ انہوں نے بوسٹر ڈوز لگوا لیا ہے ،آپ لوگ (برطانوی عوام) جلد از جلد ویکسین کی خوراک کے بعد بوسٹر ڈوز لگوائیں ۔ انہوں نے مزید کہا کہ بوسٹر ڈوز کورونا سے بچائے رکھنے میں ہماری مدد کرے گا۔

اومیکرون کے تعلق سے بورس جانسن نے کہا کہ چاہے ہم نئے وینرینٹ سے متاثر ہوئے ہوں یا نہ ہوئے ہوں لیکن کورونا کے بوسٹر ڈوز کو نظر انداز نہیں کرنا چاہئے کیونکہ یہ ہمارے لئے بہت ضروری ہے اس لئے عوام اس کو جلد از جلد لگوائے۔

نئے ویرینٹ اومیکرون کے خطرے کو دیکھتے ہوئے برطانیہ نے دس ممالک جن میں انگولا، موزمبیک، ملاوی، جنوبی افریقہ وغیرہ شامل ہیں ان کے ساتھ ہوائی سفر ہر پابندی عائد کر دی ہے۔برطانیہ نے باہر سے آنے والے ہر شخص کی آر ٹی پی سی آر رپورٹ لازمی کر دی ہے۔