ایکسپریس وے نہ صرف اضلاع بلکہ دلوں کو جوڑنے کا کام کرے گا:یوگی

شاہجہاں پور:18دسمبر(یواین آئی)اترپردیش کے وزیر اعلی یوگی آدتیہ ناتھ نے ہفتہ کو کہا کہ گنگا ایکسپریس نہ صرف ریاست کے مشرقی خطے کو مغرب سے جوڑے گا بلکہ یہ دونوں کو بھی جوڑے گا۔

گنگا ایکسپریس وے کی سنگ بنیاد تقریب سے خطاب کرتے ہوئے یوگی نے کہا’ گنگا ایکسپریس وے جہاں ریاست کے کئی اضلاع کو آپس میں جوڑے گا وہیں یہ ایکسپریس وے دلوں کو بھی جوڑنے کا کام کرے گا۔
انہوں نے کہا کہ کچھ دن پہلے وزیر اعظم مودی نے پوروانچل ایکسپریس وے کا افتتاح کیا تھا اور آج وہ گنگا ایکسپریس وے کا سنگ بنیاد رکھ رہے ہیں جو کہ مشرقی یوپی کو مغربی یوپی سے جوڑے گا۔