پٹرول اور ڈیزل کی قیمتوں میں 46ویں دن بھی استحکام

 نئی دہلی، 21 دسمبر (یو این آئی) بین الاقوامی سطح پر خام تیل کی قیمتوں میں اضافے کے باوجود پیٹرول اور ڈیزل کی قیمتیں آج مسلسل 47 ویں دن ملک میں مستحکم رہیں۔

وی اے ٹی – ویٹ میں کمی کی وجہ سے 2 دسمبر کو دہلی میں پٹرول کی قیمتوں میں تقریباً 8 روپے فی لیٹر کی کمی ہوئی تھی اور اس کے بعد سے دہلی میں پٹرول 95.41 روپے فی لیٹر اور ڈیزل 86.67 روپے فی لیٹر پر مستحکم ہے۔
سنگاپور میں آج لندن برینٹ کروڈ 0.71 فیصد اضافے کے ساتھ 72.03 ڈالر فی بیرل اور یو ایس کروڈ 0.98 فیصد کمی کے ساتھ 69.28 ڈالر فی بیرل پر کاروبار کررہا ہے۔
مرکزی حکومت کی جانب سے پٹرول اور ڈیزل پر ایکسائز ڈیوٹی میں بالترتیب 5 روپے اور 10 روپے فی لیٹر کی کمی سے ملک میں اس کی قیمتوں میں کمی آئی تھی۔ اس کے بعد اتر پردیش، کرناٹک سمیت ملک کی 22 ریاستوں اور مرکز کے زیر انتظام علاقوں نے ان دونوں مصنوعات پر ویلیو ایڈڈ ٹیکس (ویٹ) میں کمی کی تھی۔
گھریلو بازار میں پٹرول اور ڈیزل کی قیمت میں 47 ویں دن بھی کوئی تبدیلی نہیں ہوئی۔ دارالحکومت دہلی میں ویٹ میں کمی کی وجہ سے بھارت پٹرولیم کارپوریشن لمیٹڈ (بی پی سی ایل) پمپ پر پٹرول کی قیمت 95.41 روپے فی لیٹر اور ڈیزل کی قیمت 86.67 روپے فی لیٹر رہی۔
پٹرول اور ڈیزل کی قیمتوں کا روزانہ جائزہ لیا جاتا ہے اور اس کی بنیاد پر نئی قیمتیں ہر روز صبح 6 بجے سے لاگو ہوتی ہیں۔ آج ملک کے چار بڑے شہروں میں پٹرول اور ڈیزل کی قیمتیں کچھ یوں رہیں۔