ہاپوڑ (نامہ نگار)کانگریس کی زون اول کی صدر شبانہ کھنڈیل وال نے کہا کہ ملک میں نریندر مودی کی کوئی لہر نہیں چل رہی ہے وہ تو صرف میڈیا کی دین ہے۔ مودی کا کام تو چائے بیچنا ہے۔ ان کے والد آج بھی چائے بیچنے کا کام کررہے ہیں۔ ہر ہرمودی ،گھر مودی کے نعرے سے ملک نہیں چلتاہے۔ اس نعرے کے حساب سے مودی گھروں میں ہی براجمان رہیں۔ شبانہ کھنڈیل وال آج کانگریس کی ضلع جنرل سکریٹری الکا نگم کے مکان پر نامہ نگاروں سے بات چیت کررہی تھیں انہوں نے کہا کہ جو لوگ پارٹی چھوڑ کر گئے ہیں وہ موقع پرست ہیں۔ ٹکٹ نہ ملنے کے سبب انہوں نے پارٹی چھوڑی ہے۔ کانگریس پارٹی نے سبھی طبقات کو عزت دینے کا کام کیا ہے۔ کانگریس نے مختلف فلاحی اسکیمیں چلا
رکھی ہیں جس سے ملک کے عوام کو فائدہ پہنچ رہاہے۔
