ملک میں کوروناکےفعال کیسز کی تعداد 65 ہزار سے کم

نئی دہلی، 05 مارچ ؛ملک میں کورونا وائرس کے کیسزمیں مسلسل کمی ہو رہی ہے۔ گذشتہ 24 گھنٹوں میں کورونا وائرس کے 5921 نئے کیسز سامنے آئے ہیں اور اس وبا کی وجہ سے 289 افراد کی موت ہوئی ہے جبکہ کورونا کے فعال کیسز کی تعداد کم ہو کر 63878 ہو گئی ہے۔

ہفتے کی مرکزی وزارت صحت کی جانب ہفتے کو جاری اعداد و شمار کے مطابق گذشتہ 24 گھنٹوں میں ملک میں11651 افراد کورونا سے صحتیاب ہونے سے اس وبا سے نجات پانے والوں کی تعداد بڑھ کر 42378721 تک پہنچ گئی ہے۔ جس کے بعد فعال کیسز کی تعداد کم ہو کر 63878 رہ گئی ہے۔ وہیں اس وبا سے مزید 289 افراد کی موت کے بعد ہلاکتوں کی تعداد بڑھ کر 514878 ہو گئی ہے۔ ملک میں کورونا کی شرح زاموات 1.20 فیصد، ریکوری ریٹ 98.65 فیصد اور پوزیٹیوٹی ریٹ 0.15 فیصد برقرار ہے۔

کیرالا میں پچھلے 24 گھنٹوں میں ایکٹیو کیسز میں سب سے زیادہ 1942 کمی کے بعد، ان کی تعداد 17913 ہو گئی۔ اسی کے ساتھ 3878 افراد کے صحتیاب ہونے کے بعد اس سے چھٹکارا پانے والوں کی تعداد 6424920 ہو گئی ہے جبکہ اموات کی تعداد 66012 ہو گئی ہے۔

وہیں مہاراشٹر میں فعال کیسز 476 سے کم ہو کر 8478 پر آ گئے ہیں۔ اس دوران ریاست میں 992 افراد کے صحتیاب ہونے کے بعد اس وبا کو شکست دینے والوں کی تعداد بڑھ کر 7715711 ہوگئی۔ ریاست میں ہلاکتوں کی تعداد 143727 ہو گئی ہے۔