دیوریا: اترپردیش کے ضلع دیوریا میں یوپی بورڈ امتحانات کے دوران منگل کو پولیس نے نقل کرانے والے گروہ کے نو اراکین کو گرفتار کر کے ان کے قبضے سے کثیر مقدار میں جوابی بیاض اور پرچے وغیرہ برآمد کئے ہیں۔
پولیس ترجمان نے یہاں بتایا کہ شکایت کی بنیاد پر ضلع انتظامی اور پولیس کی مشترکہ ٹیم نے کاروائی کرتے ہوئے برہج علاقے میں گرام پردھان نبے لال گپتا کے گھر پر ہائی اسکول کی سنسکرت اور انٹرمیڈیٹ کے آرٹ کے پیپر لکھتے ہوئے مونو پاٹھک عرف ناگیش، اوپیندر یادو، ہیمنت یادو، ودھایک گپتا، شیلیش گپتا، راجو گپتا، دھیریندر گپتا، نبے لال گپتا کو گرفتار کیا گیا ہے۔
معاملہ برہج علاقے کے وندھیا چل انٹرکلاج پین کا ہے۔
