ایس پی اعظم خان کی مدد نہیں کر رہی ہے: شیو پال

سیتا پور: پرگتی شیل سماج وادی پارٹی (پی آر ایس پی) کے صدر شیو پال سنگھ یادو نے جمعہ کوسیتا پور میں بند سماج وادی پارٹی (ایس پی) کے رہنما اعظم خان سے ملاقات کے بعد کہا کہ ایس پی کو جس طر ح سے اعظم خان کی مدد کرنی چاہئے تھی، اس طرح سے ان کی مدد ہوتی نظر نہیں آرہی ہے۔

جیل کے باہر نامہ نگاروں سے بات کرتے ہوئے شیو پال نے کہا کہ ایس پی کو تمام فورمز پر اعظم خان کے ساتھ ہونے والی ناانصافی کا معاملہ اٹھانا چاہیے تھا۔
انہوں نے کہا کہ اب ان کے خلاف صرف ایک کیس رہ گیا ہے جس کی سماعت ہوچکی ہے، امید ہے کہ وہ جلد جیل سے باہر آجائیں گے۔