امتحانات کے نتائج سے قبل شیوراج کا پیغام، ناکام ہونے پر بھی مایوس نہ ہوں

بھوپال، 29 اپریل (یو این آئی) مدھیہ پردیش میں آج 10ویں اور 12ویں کے بورڈ امتحانات کے نتائج کے اعلان سے پہلے وزیر اعلیٰ شیوراج سنگھ چوہان نے طلباء سے اپیل کرتے ہوئے کہا کہ جو لوگ فیل ہوں، وہ بھی اس نتیجہ سے مایوس نہ ہوں۔

مسٹر چوہان نے ایک ویڈیو پیغام جاری کرتے ہوئے کہا کہ 10ویں اور 12ویں جماعت کے امتحانات میں جو کامیاب ہوں گے ان کو بہت بہت مبارک باد، لیکن اگر آپ فیل ہوئے تو فکر نہ کریں۔
کووڈ کے حالات کے باوجود بھی تمام بچوں نے امتحان میں اچھے نتائج کے لیے سخت محنت کی ہے۔