این آئی اے نے داؤد کے دو ساتھیوں کو گرفتار کیا

ممبئی، 13 مئی (یو این آئی) قومی جانچ ایجنسی (این آئی اے) نے انڈر ورلڈ ڈان داؤد ابراہیم کے دو ساتھیوں کو گرفتار کیا ہے۔

گرفتار ملزمان کی شناخت عارف ابوبکر شیخ (59) اور شبیر ابوبکر شیخ (51) کے طور پر کی گئی ہے۔ یہ دونوں حقیقی بھائی ہیں۔ تفتیشی ایجنسی نے دونوں کو جمعرات کی شام شہر کے مضافات میں واقع ان کی رہائش گاہوں سے گرفتار کیا۔ان دونوں کو آج دوپہر خصوصی این آئی اے عدالت میں پیش کیا جائے گا۔

این آئی اے کے ایک سینئر افسر نے بتایا کہ شیخ برادران کے نام سے جانے جانے والے دونوں ممبئی کے مغربی مضافاتی علاقوں میں داؤد کی غیر قانونی سرگرمیوں اور دہشت گردوں کی مالی معاونت سے نمٹنے میں ملوث رہے ہیں۔