ملک میں 24 گھنٹوں کے دوران 3335 افراد نے کورونا کو شکست دی

نئی دہلی، 14 مئی (یو این آئی) ملک میں گزشتہ 24 گھنٹوں کے دوران ہلاکت خیز کورونا وائرس سے 3335 مریض شفایاب ہوئے ہیں، جس کے بعد اس مہلک وائرس کو شکست دینے والوں کی تعداد بڑھ کر 42576815 ہو گئی ہے۔

مرکزی وزارت صحت اور خاندانی بہبود نے ہفتہ کو یہاں بتایا کہ آج صبح 7 بجے تک 191 کروڑ 15 لاکھ 90 ہزار 370 کووڈ ویکسین دی ہے۔ وزارت نے کہا کہ گزشتہ 24 گھنٹوں میں کووڈ کے 2858 نئے مریض سامنے آئے ہیں۔ اس کے ساتھ ہی ملک کے مختلف اسپتالوں میں زیر علاج کورونا مریضوں کی تعداد گھٹ کر 18 ہزار 96 رہ گئی ہے۔ یہ متاثرہ کیسز کا 0.04 فیصد ہے۔ یومیہ کیسز کی شرح 0.59 فیصد تک پہنچ گئی ہے۔

وزارت نے کہا کہ اسی مدت میں 3355 مریض کووڈ سے شفایاب ہوئے۔ اب تک کل چار کروڑ 25 لاکھ 76 ہزار 815 کووڈ سے بازیاب ہوئے ہیں۔ صحت یابی کی شرح 98.74 فیصد ہے۔گزشتہ 24 گھنٹوں میں ملک میں 4 لاکھ 86 ہزار 963 کووڈ ٹسٹ کیے گئے ہیں۔ ملک میں کل 84 کروڑ 34 لاکھ 31 ہزار 758 ​​کووڈ ٹسٹ کیے جاچکے ہیں۔ اس کے ساتھ ہی، کووڈ-19 سے مزید 11 لوگوں کی موت کی وجہ سے مرنے والوں کی تعداد میں بھی اضافہ ہوا۔