لکھنؤ(نامہ نگار)مانک نگر پولیس نے دوشنبہ کی رات دو شاطر چوروں کو گرفتار کیا ہے۔ پولیس نے پکڑے گئے چوروں کے قبضے سے دو طمنچے اور چوری کے زیورات برآمد کئے ہیں۔ پکڑے گئے چور پہلے بھی چوری کے معاملہ میں جیل جا چکے ہیں۔ ایس پی مشرق راجیش کمار نے بتایا کہ مانک نگر پولیس نے گذشتہ شب مخبر کی اطلاع پر آر ڈی ایس او بلکھنڈی تراہے کے نزدیک سے دو شاطر چوروں کو پکڑا۔ تلاشی کے دوران پولیس کو ان کے قبضے سے چوری کے۲طمنچے اور چوری کئے گئے سونے و چاندی کے زیورات ملے ہیں۔ پوچھ گچھ میں پکڑے گئے چوروں نے اپنا نام مانک نگر کا وجے کمار اور پارا کا راجو سنگھ بتایا۔
پکڑے گئے چوروں نے دو دن قبل پارا کے دوندا کھیڑا کے رمیش سنگھ کے گھر میں چوری کرنے کی بات قبول کی ہے۔
