اولا ٹیکسی ڈرائیور کے قتل و لوٹ کا ملزم گرفتار ،کار برآمد

پرتاپ گڑھ 18 جولائی (یو این آئی)اترپردیش میں تھانہ کوتوالی کنڈہ پولیس و سواٹ ٹیم نے مشترکہ کارروائی میں چیکنگ کے دوران دوشنبہ کو کریٹی چوراہے کے نزدیک سے اولا ٹیکسی ڈرائیور کا قتل کر کار و موبائل لوٹنے والے ملزم کو گرفتار کر کار و موبائل برآمد کیا ۔

پولیس سپرنٹنڈنٹ ستپال انتل دوشنبہ کی سہ پہر پولیس لائن میں منعقد پریس کانفرنس کے دوران بتایا کہ تھانہ کنڈہ کوتوالی علاقے کے منگڑھ کے وی ایس اسکول کے نزدیک مشتبہ حالات میں گزشتہ 11/جولائی کو اولا ٹیکسی ڈرائیور کی لاش پائی گئی تھی ،جس کی شناخت آدھار کارڈ کی بنیاد پر پریم چندر یادو ولد وشواناتھ یادو ساکن ای – 2/661 ونیت کھنڈ گومتی نگر لکھنو کے طور پر کی گئی تھی ،پولیس نے وقوعہ کے متعلقہ میں قتل و لوٹ کا کیس درج کیا ہے ۔

تھانہ کنڈہ ایس ایچ او پردیپ کمار مع فورس و سواٹ ٹیم انچارج ایس آئی سنیل کمار یادو مع ٹیم مشترکہ کارروائی میں چیکنگ کے دوران مخبر کی اطلاع پر تھانہ علاقے کے کرینٹی چوراہے کے نزدیک ایک کار روک کر ملزم سورج شکلا ساکن بلّہ لرو تھانہ مہیش گنج پرتاپگڑھ کو گرفتار کر لوٹ کی کار و موبائل وغیرہ برآمد کیا ۔