لکھنؤ(نامہ نگار)موہن لال گنج پولیس نے تین عورتوں کو غیر قانونی طریقے سے شراب بناتے ہوئے گرفتار کیا ہے۔ وہیں گوسائیں گنج پولیس نے بھی ایک شخص کو ناجائز شراب کے ساتھ گرفتار کر لیا۔ ایس پی دیہات سومتر یادو نے بتایا کہ موہن لال گنج پولیس نے منگل کی رات اندر جیت کھیڑا کے نزدیک سے تین عورتوں، کملا، منیشا، بولٹو کو گرفتار کیا۔ پولیس نے ان کے قبضے سے ۱۲۵لیٹر ناجائز شراب برآمد کی ہے۔ وہیں گوسائیںگنج پولیس نے آج جو کھنڈی کے نزدیک سے گاؤں کے رہنے والے کلو راوت کو دس لیٹر ناجائز شراب کے ساتھ گرفتار کیا ۔
