روس نے مزید 25 امریکیوں کے داخلے پر  عائد کی پابندی

 ماسکو، 6 ستمبر (یو این آئی) روس نے امریکی پابندیوں کے جواب میں مزید 25 امریکی شہریوں کے ملک میں داخلے پر غیر معینہ مدت کے لیے پابندی لگا دی ہے۔

روس کی وزارت خارجہ نے پیر کے روز ایک بیان میں کہا کہ روس امریکی حکام کے مخالفانہ اقدامات کا سخت جواب دے گا جو روس مخالف جذبات پیدا کرنے، دو طرفہ تعلقات کو تباہ کرنے اور دونوں ممالک کے درمیان تنازعات کو بڑھاتے ہیں۔
انہوں نے کہا کہ پابندی کی  نئی  فہرست میں  امریکی کانگریس کے ارکان، اعلیٰ عہدے دار، تاجر، ماہرین اور ثقافتی شخصیات اور کامرس سیکرٹری جینا ریمنڈو بھی شامل ہیں۔
واضح رہے کہ روس اب تک 1073 امریکی شہریوں پر پابندیاں عائد کر چکا ہے۔