آیوشمان کھرانہ اور راکل پریت کی ‘ڈاکٹر جی’کی ریلیز کی تاریخ طے

 اداکار آیوشمان کھرانہ اور اداکارہ راکل پریت کی آنے والی فلم ‘ڈاکٹر جی’کی ریلیز کی تاریخ فلم سازوں نے طے کر دی ہے ۔ فلم رواں سال اکتوبر میں ریلیز ہوگی۔ ایوشمان کھرانہ نے خود سوشل میڈیا کے ذریعے مداحوں کو یہ اطلاع دی ہے۔ فلم کے پوسٹر کو شیئر کرتے ہوئے آیوشمان کھرانہ نے لکھا – ‘زندگی ہے انکی فل آف گوگلی، چاہئے تھاآرتھوپیڈکس ، لیکن ڈاکٹر بن گئے۔ 14 اکتوبر کو سینما گھروں میں ڈاکٹر جی سے ملو’۔ ‘ڈاکٹر جی’ ایک کامیڈی ڈرامہ فلم ہے۔

اس فلم کے ذریعے ایوشمان کھرانہ اور راکل پریت دونوں پہلی بار ایک ساتھ اسکرین شیئر کرتے نظر آئیں گے۔ راکل پریت اور آیوشمان دونوں اس فلم کو لے کر کافی پرجوش ہیں۔ ان دونوں کے علاوہ فلم میں اداکارہ شیفالی شاہ بھی نظر آئیں گی جو فلم میں ڈاکٹر نندنی کا کردار ادا کریں گی۔ فلم میں آیوشمان کے کردار کا نام ڈاکٹر ادے ہے۔ آیوشمان کے لیے یہ پہلا موقع ہوگا جب وہ کسی فلم میں ڈاکٹر کا کردار ادا کرتے نظر آئیں گے۔

اس کے ساتھ ہی، راکل پریت فلم میں میڈیکل کی طالبہ کے کردار میں ہوں گی اور فلم میں ان کے کردار کا نام ڈاکٹر فاطمہ ہے۔جنگل پکچرز کے ساتھ آیوشمان کی یہ تیسری فلم ہوگی۔

یہ بھی کلک کریں…

دونوں اس سے قبل بریلی کی برفی’ (2017) اور ‘بدھائی ہو'(2018) میں ایک ساتھ کام کر چکے ہیں۔ یہ راکل پریت کی جنگل پکچرز کے ساتھ پہلی فلم ہوگی۔ جنگل پکچرز کے بینر تلے بننے والی اس فلم کی ہدایات انوبھوتی کشیپ کر رہے ہیں۔ بطور ہدایت کار یہ ان کی پہلی فلم ہوگی۔ ڈاکٹر جی رواں سال 14 اکتوبر کو سینما گھروں کی زینت بنے گی۔