وارانسی: گنگا ندی میں پلٹ گئی 30 سے زائد عقیدتمندوں سے بھری کشتی، چیخ و پکار کا عالم، 2 کی حالت سنگین

مقامی کشتی رانوں کے ساتھ پولیس اور بچاؤ ٹیم نے تقریباً 30 مسافروں کو محفوظ باہر نکال لیا ہے، ریسکیو کیے گئے دو لوگوں کی حالت سنگین بتائی جا رہی ہے جنھیں کبیرا چورا اسپتال بھیجا گیا ہے۔

وارانسی کے اہلیا بائی گھاٹ کے سامنے ایک حادثے سرزد ہوا جس کے بعد ایک ہنگامہ کا ماحول دیکھنے کو مل رہا ہے۔ مسافروں سے بھری ایک کشتی صبح اچانک گنگا ندی میں ڈوب گئی جس کی وجہ سے وہاں چیخ و پکار کا عالم پیدا ہو گیا۔ فوری طور پر موقع پر پہنچے مقامی کشتی رانوں کے ساتھ پولیس اور بچاؤ ٹیم نے تقریباً 30 مسافروں کو محفوظ باہر نکال لیا۔ موصولہ اطلاعات کے مطابق اس واقعہ میں دو لوگوں کی حالت سنگین ہے جنھیں کبیر چورا اسپتال بھیجا گیا ہے۔