بارہ بنکی (نامہ نگار)محمد پور خالہ تھانہ حلقہ میں چلائی جارہی غیر قانونی شراب کی بھٹی پکڑ کر پولس نے ایک شخص کو گرفتار کیا ہے۔ سپرنٹنڈنٹ پولس کے حکم پر غیر قانونی شراب کے خلاف چلائی جارہی مہم کے تحت تھانہ پولس نے گینتا پور واقع سردار ڈھابہ پر چھاپہ مارکر غیر قانونی شراب بناتے تھانہ حلقہ کے بساری گاؤں کے باشندہ بھگوتی پرساد ولد ارجن کو ۵۵لیٹر ، بھٹی اور شراب بنانے کے سازوسامان کے ساتھ دھردبوچا۔ پولس نے مقدمہ درج کرکے بھگوتی کو جیل بھیج دیا ہے۔
