ممبئی(ایجنسی) اداکارہ کٹرینہ کیف نے محنتانہ کو لے کر سنجیدہ تبصرہ کیا ہے ۔ انہوں نے کہا کہ سال ۲۰۰۳ سے اب تک خواتین کے معاوضہ میں کوئی تبدیلی نہیں آئی ہے ۔اس بات کا مجھے بہت افسوس ہے .کٹرینہ کیف نے کہا کہ میں نے جب سے فلم انڈسٹری میں قدم رکھا اس وقت سے اب تک خواتین پرمرکوز فلموں کی تعداد میں غیر معمولی اضافہ ہوا ہے . ’ کوئن‘ فلم میں کنگنا ،’ کہانی‘ میں ودیا کے لئے جس قسم کے کردار لکھے گئے ہیں ، وہ لاجواب ہیں . اب اس کے کئی پہلو ہیں . ہمارے سنیما نے ایک طویل راستہ طے کیا ہے . انہوں نے کہا کہ لیکن جو ایک چیز نہیں بدلی، وہ ہے خواتین کا محنتانہ . یہاں ابھی بھی ایک بڑا فرق ہے۔ اس کے علاوہ بالی ووڈ کی باربی گرل کٹرینہ کیف کا کہنا ہے کہ وہ شاہ رخ خان کے ساتھ رئیس فلم میں کام نہیں کررہی ہے۔ بالی ووڈ میںا س بات کا ذکر ہے کہ راہل ڈھولکیا رئیس نام کی ایک فلم کی ہدایت کاری کرنے جارہے ہیں اس فلم کاپروڈکشن شاہ رخ خان کے قریبی سمجھے جانے والے ریتیش سدھوانی اورفرحان اختر اپنے بینر ایکسل انٹرٹینمنٹ کے تحت کررہے ہیں بتایا جاتا ہے کہ رئیس میں شاہ رخ خان کے اپوزٹ کٹرینہ کیف کا انتخاب کیا جائے گا ۔ شاہ رخ اورکٹرینہ کی جوڑی اس سے قبل ۲۰۱۲ میں آئی فلم جب تک ہے جان میں ایک ساتھ نظر آچکی ہے۔ کٹرینہ کیف نے کہا کہ میں رئیس میں کام نہیں کررہی ۔ مجھے نہیںمعلوم کہ آخریہ باتیں کہا ں سے آتی ہیں۔ میں ابھی بینگ بینگ ، فینٹم اورجگاجاسوس میںکام کررہی ہوں اس کے علاوہ میرے پاس ابھی دودیگر فلمیںبھی ہیں۔ لیکن اس کے بارے میں ابھی نہیں بتا سکتی ۔ آشوتوش گوواریکر کی فلم میں کام کرنے سے متعلق ایک سوال کے جواب میں کٹرینہ نے کچھ بھی بتانے سے انکار کردیا۔ واضح رہے کہ رئیس میںشاہ رخ خان کے علاوہ نوازالدین صدیقی کااہم کردار ہے۔ رئیس کی شوٹنگ اکتوبر میں شروع کی جائے گی۔ وہیں دوسری جانب کترینہ کیف کا کہنا ہے کہ وہ شاہ رخ خان کے ساتھ کسی بھی فلم میں کام نہیں کر رہیں۔ہندوستانی میڈیا رپورٹس کے مطابق اداکارہ کا کہنا تھا کہ نہ تو کسی نے ان سے رابطہ کیا ہے اور نہ ہی وہ راہول دھو لکھیا کی فلم ‘رئیس’ میں شاہ رخ خان کے ساتھ جلوہ گر ہو رہی ہیں۔ ان کا کہنا تھا کہ مجھے نہیں معلوم کہ میڈیا پر یہ خبر کہاں سے اور کس طرح آئی، اس وقت ۳ فلموں ‘بینگ بینگ’، ‘فینٹم’ اور ‘جگا جاسوس’ میں کام کر رہی ہوں، اس کے علاوہ بھی ۲مزید فلموں کے حوالے سے بات چیت چل رہی ہے لیکن ان کے بارے میں ابھی نہیں بتا سکتی۔دوسری جانب ہدایت کار راہول دھو لکھیا نے بھی اس قسم کی خبروں کی تردید کرتے ہوئے کہا ہے انھوں نے اپنی فلم کے لئے بالی ووڈ باربی ڈول سے کوئی رابطہ تو نہیں کیا البتہ فلم کی مرکزی اداکارہ کا انتخاب جلد کر لیا جائے گا۔
