ممبئی ( ایجنسی) بالی ووڈ کی ڈمپل گرل دپیکا پاڈوکون کنگ خان شاہ رخ خان کے ساتھ رئیس فلم میں کام کر سکتی ہیں ۔ بالی ووڈ میں بحث ہے کہ راہل ڈھولکیا رئیس نامی ایک فلم کی ہدایت کاری کرنے جا رہے ہیں ۔ فلمسازشاہ رخ کے قریبی مانے جانے والے رتیش سدوانی اور فرحان اختر اپنے بینر ایکسل انٹرٹینمنٹ کے تحت بنارہے ہیں ۔بتایا جاتاہے کہ رئیس میں شاہ رخ خان کے اپوزٹ کٹرینہ کیف کو منتخب کیا جائے گا ، لیکن کٹرینہ کیف نے اس بات کی تردید کی ہے ۔ اس سے پہلے شاہ رخ خان کے اپوزٹ سونم کپور کے کام کرنے کا ذکر ہواتھا۔ لیکن بات نہیں بن سکی تھی ۔ اب ذکر ہے کہ دیپکا پڈوکون رئیس میں کام کر سکتی ہیں ۔ قابل ذکر ہے کہ دیپکا ، شاہ رخ کے ساتھ اوم شانتی اوم اور چنئی ایکسپریس جیسی سپر ہٹ فلموں میں کام کر چکی ہیں ۔دیپکا ان دنوں فرح خان کی ہدایت میں بن رہی فلم ہیپی نیو ایئر میں بھی شاہ رخ خان کے ساتھ کام کر رہی ہیں ۔ بتایا جاتا ہے کہ رئیس میں شاہ رخ کے علاوہ نوازالدین صدیقی کا اہم کردار ہے۔فلم میں شاہ رخ شراب اسمگلر ، جبکہ نوازا لد ین پولیس آفیسر کا کردار ادا کرنے والے ہیں ۔ رئیس کی شوٹنگ اکتوبر میں شروع کی جائے گی ۔
