ممبئی(بھاشا)معروف اداکار امیتا بھ بچن نے اپنے قریبی دوست اورتمل سپراسٹاررجنی کانت کی آنے والی فلم کوچے دائیاں کا ہندی ٹریلر جاری کیا۔۷۱سالہ امیتابھ بچن نے ایک ملٹی پلکس میں کل دیر رات رجنی کانت کے ساتھ اس فلم کا ٹریلر جاری کیا۔رجنی کانت کی بیٹی سوندریا کی ہدایت میںبنی کوچے دائیاں ۳۔ ڈی پر مبنی ایک اعلیٰ تکنیک والی فلم ہے جس میں ایک خاص تکنیک کا استعمال کیا گیا ہے جو ہندوستان میں پہلی بار ہورہاہے۔ہالی ووڈ کی فلمیں اوتار اوردی ایڈوینچر آف ٹِن ٹِن میںبھی اسی طرح کی تکنیک کااستعمال کیا گیاتھا سپراسٹاررجنی کانت کی کوچے دائیاں فلم کا ہندی میں ٹریلر جاری کرتے ہوئے امیتابھ بچن جذباتی ہوگئے اورانھوںنے امید ظاہر کی کہ اس سے ہندوستانی سنیما میں ایک نئے دور کے شروعات ہوگی۔ بچن نے کہا کہ چنئی میں رجنی کانت کے بہت مداح ہیں۔ایک بار جنوبی ہندضرور جائیں اوراسے دیکھیں ان کے مداحوں سے سنیما گھر بھرے ہوتے ہیں اورسبھی لوگ پہلا دن پہلا شو نہیں دیکھ پاتے ۔یہاں تک کہ ایک فلم کو دیکھنے کیلئے کئی ہفتے انتظار کرنا پڑتاہے۔مداحوں کی ستائش اورشورشرابے کی وجہ سے کچھ بھی سنائی نہیں دیتا ہے یہ حیرت انگیز ہے۔اپنی آنے والی فلم میں استعمال کی گئی تکنیک کے سلسلے میں اداکار رجنی کانت نے کہا کہ وہ تکنیک عاشق نہیںہے۔ ۶۳سالہ رجنی کانت نے کہا کہ وہ یہاں (ممبئی)تکنیک پر بنی فلم روبوٹ کیلئے آئے تھے اب ساڑھے چار سال کے بعد کوچے دائیاں
کیلئے آئیں ہیں جو اعلیٰ تکنیک پر مبنی ہے۔ میں تکنیک کے بارے میں کچھ نہیں جانتالیکن اس طرح کی فلموںکو میں چیلنجنگ مانتاہوںلیکن یہ ایک اچھا تجربہ ہے ۔ فلم میں رجنی کانت ٹریپل کردار میں ہیں اوراداکارہ دیپکا پاڈوکون مرکزی کردار میں ہے۔ فلم کی ہدایت کار اوررجنی کانت کی بیٹی سوندریا نے کہا کہ یہ ایک اینی میٹیڈ فلم ہے لیکن یہ ایک کارٹون فلم نہیں ہے۔ سوندریا نے صحافیوں سے کہا کہ میں آپ لوگوں کے پاس اپنا خواب لے کرآئی ہوں ہم لوگوں نے جس تکنیک کا استعمال کیا ہے اس کا استعمال عام طورپر ہالی ووڈ میں کیا جاتاہے۔بدقسمتی سے یہاں پر اینی میشن کی سمجھ نہیں ہے کوچے دائیاں ایک میٹیڈ فلم ہے لیکن یہ کارٹون فلم نہیںہے۔یہ پہلی کوشش ہے امید ہے آپ کو یہ پسند آئے گی۔امیتابھ بچن کے ذریعہ اس فلم کا ٹریلر جاری کئے جانے پر ۲۹سالہ سوندریا خوش نظرآرہی تھیں۔
