ممبئی: بالی ووڈ اداکارہ کٹرینہ کیف اپنی نئی فلموں میں خطرناک مناظر کسی اسٹنٹ مین کی جگہ خود عکس بند کروا رہی ہیں۔اداکارہ ان دنوں اپنی ایکشن اور مار دھاڑ سے بھر پور دو فلموں ’’بینگ بینگ ‘‘ اور فینٹم ‘‘ کی عکس بندی میں مصروف ہیں پتا چلا ہے کہ ان کے خطرناک مناظر اب خود ہی شوٹ کروارہی ہیں۔بالی ووڈ اداکارہ کٹرینہ کیف کا کہنا ہے کہ وہ شاہ رخ خان کے ساتھ کسی بھی فلم میں کام نہیں کر رہیں۔ہندوستانی میڈیا رپورٹس کے مطابق اداکارہ کا کہنا تھا کہ نہ تو کسی نے ان سے رابطہ کیا ہے اور نہ ہی وہ راہول دھو لکھیا کی فلم ‘رئیس’ میں شاہ رخ خان کے ساتھ جلوہ گر ہو رہی ہیں۔ ان کا کہنا تھا کہ مجھے نہیں معلوم کہ میڈیا پر یہ خبر کہاں سے اور کس طرح آئی، اس وقت 3 فلموں ‘بینگ بینگ’، ‘فینٹم’ اور ‘جگا جاسوس’ میں کام کر رہی ہوں، اس کے علاوہ بھی 2 مزید فلموں کے حوالے سے بات چیت چل رہی ہے لیکن ان کے بارے میں ابھی نہیں بتا سکتی۔
دوسری جانب ہدایت کار راہول دھو لکھیا نے بھی اس قسم کی خبروں کی تردید کرتے ہوئے کہا ہے انھوں نے اپنی فلم کے لئے بالی ووڈ باربی ڈول سے کوئی رابطہ تو نہیں کیا البتہ فلم کی مرکزی اداکارہ کا انتخاب جلد کر لیا جائے گا۔
