جاپان کی دھمکی کے باوجود، سیٹلائٹ خلا میں بھیج کر رہیں گے: شمالی کوریا

شمالی کوریا نے کہا ہے کہ جاپان کی دھمکیوں کے برخلاف، امریکہ کے اقدامات پر نگرانی کے لئے فوجی سیٹ لائٹ بھیج کر رہیں گے۔ شمالی کوریا کی لیبر پارٹی کے نائب صدر ری پیونگ چول نے کہا ہے کہ جون کے مہینے میں اس ملک کا فوجی سیٹلائٹ خلا میں روانہ کردیا جائے گا ۔ انہوں نے کہا کہ یہ اقدام پیونگ یانگ کی دفاعی حکمت عملی کے تحت انجام دیا جا رہا ہے۔

انہوں نے کہا کہ اس سیٹلائٹ کے ذریعے امریکہ کی فوجی سرگرمیوں پر نظر رکھی جائے گی ۔ ری پیونگ چول نے کہا کہ موجودہ اور درپیش خطرات کو مدنظر رکھتے ہوئے، وسیع اور عملی دفاعی پالیسیاں اپنائی جائیں گی۔

JUST IN: 🚀🛰️ North Korea's announcement of its first military spy satellite launch sparks defense stock surge in South Korea and Japan, responding to perceived threats from U.S.-South Korean military drills; the satellite aims to track and monitor military activities of the U.S.… pic.twitter.com/ig5PP7WJzP

— Cryptopolitan (@CPOfficialtx) May 30, 2023

قابل ذکر ہے کہ جاپان کے ایک فوجی عہدے دار نے پیر کے روز کہا تھا کہ شمالی کوریا نے ٹوکیو کو اطلاع دی ہے کہ اکتیس مئی سے لیکر گیارہ جون کے بیچ خلا میں سیٹلائٹ روانہ کرے گا ۔ جاپان کی جانب سے اس سیٹلائٹ کیریئر کو مار گرائے جانے کے انتباہ کے باوجود پیونگ یانگ نے اعلان کیا ہے کہ وہ اس فوجی سیٹلائٹ کو خلا میں روانہ کرنے کے لئے پرعزم ہے۔