مصری صحافی اور اس کا خاندان 20 سال تک گدھے کا گوشت کھاتا رہا

مصر کے ایک مشہور صحافی نے انکشاف کیا ہے کہ وہ اور اس کا خاندان قصائی کے دھوکے کے باعث 20 سال تک گدھے کا گوشت کھاتا رہا۔مصری صحافی محمود سعد نے سوشل میڈیا پر ایک ویڈیو میں بتایا ہے کہ وہ اور اس کا خاندان 20 سال تک ایک قصاب کے دھوکے کے باعث اس سے 20 سال تک گدھے کا گوشت لے کر کھاتے رہے۔

محمود سعد کا کہنا ہے کہ میری والدہ جس قصاب سے گوشت خریدتی تھیں وہ ایک دن حسبِ معمول اسی سے گوشت خریدنے گئیں تو معلوم ہوا کہ دکان بند کر دی گئی ہے۔

صحافی کے مطابق ہم نے تحقیق کی تو معلوم ہوا کہ دکان کی بندش کی وجہ یہ تھی کہ حکام کو دکان میں گدھے کا گوشت ملا تھا۔

محمود سعد کا کہنا ہے کہ قصاب گزشتہ کئی برسوں سے گاہکوں کو گدھے کا گوشت فروخت کر رہا تھا۔

انہوں نے یہ بھی کہا ہے کہ اس ساری بات کا معلوم ہونے کے بعد ہمارا سارا خاندان حیران اور بہت پریشان ہو گیا تھا۔