مہاراشٹر: پہلے 3 گاڑیوں میں تصادم، پھر ٹرک ہوٹل میں گھس گیا، 10 ہلاک، 20 سے زائد زخمی

حکام نے بتایا کہ اس کے بعد ٹرک ہائی وے پر ایک بس اسٹاپ کے قریب ایک ہوٹل سے ٹکرا گیا اور الٹ گیا۔ اہلکار نے بتایا کہ “کم از کم 10 افراد ہلاک اور 20 سے زیادہ زخمی ہوئے ہیں۔”

مہاراشٹر کے دھولے ضلع میں ایک ہائی وے پر ایک ہوٹل سے ٹرک کے ٹکرانے سے کم از کم 10 افراد ہلاک اور 20 سے زائد زخمی ہو گئے۔ ایک پولیس اہلکار نے بتایا کہ یہ حادثہ ریاست کے دارالحکومت سے 300 کلومیٹر دور دھولے میں ممبئی-آگرہ ہائی وے پر پالاسنر گاؤں کے قریب صبح 10.45 بجے کے قریب پیش آیا۔

ٹرک کی بریکیں فیل ہوگئیں جس کے بعد اس کا ڈرائیور گاڑی پر سے کنٹرول کھو بیٹھا۔ اس نے دو موٹر سائیکلوں، ایک کار اور دوسرے کنٹینر کو پیچھے سے ٹکر ماری۔