فلسطینی صدر محمود عباس نے اسرائیل کے ساتھ سکیورٹی تعاون معطل کردیا

فلسطینی صدر محمود عباس نے مقبوضہ مغربی کنارے کے شہر جنین میں مزاحمت کاروں کے خلاف صہیونی فورسز کے بڑے حملے کے بعد اسرائیل کے ساتھ سکیورٹی روابط معطل کر دیے ہیں۔

صدرعباس نے یہ فیصلہ فلسطینی اتھارٹی کے دیگر رہ نماؤں کے ساتھ اجلاس کے بعد کیا ہے۔انھوں نے ماضی میں بھی متعدد مرتبہ مقبوضہ فلسطینی علاقوں میں تشدد کے واقعات کے دوران میں اسرائیل کے ساتھ روابط کو عارضی طور پر معطل کیا ہے۔