شیکھر کپور کو برٹش نیشنل ایوارڈ ملا

ممبئی،: بالی ووڈ کے نامور ہدایت کار شیکھر کپور کو فلم واٹس لو گاٹ ٹو ڈو ود اٹ کے لیے برٹش نیشنل ایوارڈ ملا ہے ۔

شیکھر کپور کو واٹس لو گاٹ ٹو ڈو ود اٹ کے لیے بیسٹ ڈائریکٹرکا برٹش نیشنل ایوارڈ دیاگیا ہے ۔ ایوارڈ تقریب میں فلم کو نو کیٹیگریز میں نامزد کیا گیا تھا جن میں سے فلم نے چارایوارڈ اپنے نام کئے ہیں۔ بیسٹ ڈائریکٹر کے علاوہ اس فلم نے بیسٹ برٹش فلم، بہترین اسکرین پلے اور بیسٹ سپورٹنگ ایکٹر کے ایوارڈز بھی جیتے ہیں۔

#ShekharKapur Wins Best Director Award for #WhatsLoveGotToDoWithIt? At #BritishNationalAwards; Filmmaker Expresses Gratitude on Instagram@shekharkapur #NationalFilmAwardsUKhttps://t.co/2guiTMlvuu

— LatestLY (@latestly) July 6, 2023

شیکھر کپور نے سوشل میڈیا پر یہ معلومات دی۔ انہوں نے لکھا، شکریہ برٹش نیشنل فلم ایوارڈز۔ یہ ایک غیر متوقع اعزاز ہے ۔ لیکن، حقیقی معنوں میں، یہ ایوارڈ واٹس لو… ٹیم کا ہے ۔ کوئی بھی ڈائریکٹر اس ٹیم کو شامل کرکے ہی بنتا ہے ۔
واٹس لو گاٹ ٹو ڈو ود اٹ ایک برطانوی رومانوی کامیڈی ہے ، جو برطانیہ کے ساتھ ساتھ امریکہ اور ہندوستان میں بھی ریلیز ہوئی تھی۔ للی جیمز، شہزاد لطیف، شبانہ اعظمی، ایما تھامسن، سجل علی، اولیور کرس اور عاصم چودھری نے اس فلم میں مرکزی کردار ادا کیے تھے ۔