ممبئی میں 90 فٹ لمبا اور 6000 کلو وزنی پل چوری ہو گیا

 ممبئی شہر کو بجلی سپلائی کرنے والی اڈانی الیکٹرسٹی کے لوہے کے پل پر چوروں نے ہاتھ صاف کر لیے۔ یہ پل چھ ہزار کلو گرام کا تھا۔ اس کی لمبائی نوے فٹ تھی۔ فی الحال اس معاملے میں پولس نے چار لوگوں کو گرفتار کیا ہے۔ ان میں سے ایک اس کمپنی کا ملازم ہے جسے ٹھیکہ دیا گیا تھا۔

اسکیچھ بشکریہ ٹائمز آف انڈیا

ممبئی: ملک کی معاشی راجدھانی ممبئی میں ایک کے بعد ایک حیران کن کارنامے منظر عام پر آتے رہتے ہیں۔ اس وقت ممبئی شہر میں ایک پل کی چوری کا معاملہ سامنے آیا ہے۔

آپ کو یہ جان کر حیرت ہوگی کہ اس پل کا وزن 6 ہزار کلوگرام ہے اور یہ نوے فٹ لمبا ہے۔ یہ لوہے کا پل ہے، جس کے لاپتہ ہونے کی خبر فی الحال مایا نگری میں موضوع بحث ہے۔ پل کی چوری کا واقعہ گزشتہ ماہ منظر عام پر آیا ہے۔

A 6000-kg massive iron bridge that used to carry huge electric cables of Adani Electricity was stolen from Malad in Mumbaihttps://t.co/GXjhlYfwop

— TIMES NOW (@TimesNow) July 8, 2023

فی الحال اس معاملے میں پولس نے چار لوگوں کو گرفتار کیا ہے۔ لوہے کا یہ عارضی پل گزشتہ سال جون کے مہینے میں ایک نالے پر رکھا گیا تھا۔ جس سے اڈانی الیکٹرسٹی کی کیبل جانا تھا۔ تاہم اس سال اپریل کے مہینے میں مستقل پل کی آمد کے ساتھ اسے ہٹا دیا گیا تھا۔

 دو لاکھ روپے کی لاگت والے پل کو کرین کی مدد سے ہٹایا گیا۔ 26 جون کو جب اڈانی الیکٹرسٹی کے اہلکار اس پل کا معائنہ کرنے گئے تو انہیں پتہ چلا کہ پل غائب ہے۔ جس کے بعد تھانے میں مقدمہ درج کر لیا گیا ہے۔ معاملے کی تفتیش میں پولیس کو پتہ چلا کہ یہ لوہے کا پل کہاں رکھا گیا تھا۔ وہاں کوئی سی سی ٹی وی نصب نہیں تھا۔ تاہم، بعد میں پولیس نے آس پاس کے دیگر سی سی ٹی وی فوٹیجز کو اسکین کیا۔ جس میں پولیس کو معلوم ہوا کہ کچھ لوگوں نے گیس کٹر کی مدد سے پل کو آہستہ سے کاٹا اور بعد میں اسے لے گئے۔

انہوں نے یہ اطلاع اڈانی الیکٹرسٹی کو نہیں دی۔ پولیس نے بتایا کہ گرفتار افراد میں سے ایک کمپنی کا ملازم ہے۔ جسے اڈانی الیکٹرسٹی نے پل بنانے کا ٹھیکہ دیا تھا۔ اڈانی الیکٹرسٹی کے ترجمان نے کہا کہ پولیس نے تمام مسروقہ سامان برآمد کر لیا ہے۔