گلوبل مارکیٹ میں مندی کے آثار، ایشیائی مارکیٹوں میں ملا جلا کاروبار

نئی دہلی، 21 جولائی :۔ گلوبل مارکیٹ میں آج مندی نظر آرہی ہے۔ گزشتہ کاروباری سیشن کے دوران امریکی بازار دباو میں بند ہوئے۔ دوسری جانب یورپی مارکیٹ میں اضافہ درج کیا گیا۔ ایشیائی بازاروں میں آج ملا جلا کاروبار دیکھا جا رہا ہے۔وال اسٹریٹ پچھلے کچھ دنوں میں مسلسل تیزی کے بعد آخری تجارتی سیشن کے دوران دباو میں نظر آیا۔ وال اسٹریٹ کے دو انڈیکس گراوٹ کے ساتھ سرخ اور ایک اضافے کے ساتھ سبز رنگ میں بند ہوئے۔ ڈاوجونز 163.97 پوائنٹس یعنی 0.47 فیصد اضافے کے ساتھ 35225.18 پر بند ہوا۔ دوسری جا نب ایس اینڈ پی 500 انڈیکس نے گزشتہ سیشن کی تجارت 0.68 فیصد کمی کے ساتھ 4534.87 پوائنٹس پر ختم کی۔ اسی طرح نیس ڈیک بھی 294.71 پوائنٹس یعنی 2.05 فیصد کی بڑی کمی کے ساتھ 14,063.31 کی سطح پر بند ہوا۔

Postponed until next year

A $3 Trillion Threat to Global Financial Markets Looms in Japan https://t.co/Xu6TDHeQDX

— Kunal Shah 🗽 (@realKunalAShah) July 21, 2023

ماہرین کے مطابق ٹیک کمپنیوں کے کمزور نتائج کے باعث گزشتہ تجارتی سیشن کے دوران امریکی مارکیٹ دباو کا شکار ر ہے۔ اس کے ساتھ شرح سود میں اضافے کے خدشے نے بھی وال اسٹریٹ کو منفی کر دیا۔ خیال کیا جا رہا ہے کہ نومبر تک امریکہ میں شرح سود 5.40 فیصد سے زیادہ ہو سکتی ہے۔ ان منفی خبروں کی وجہ سے امریکی مارکیٹ گزشتہ تجارتی سیشن کے دوران دباو کا شکار ر ہے۔دوسری جانب یورپی بازار گزشتہ سیشن کے دوران اضافے کے ساتھ بند ہوئے۔ ایف ٹی ایس ای انڈیکس 0.76 فیصد اضافے کے ساتھ 7646.05 پوائنٹس پر بند ہوا۔ اسی طرح، سی اے سی انڈیکس نے گزشتہ سیشن کی تجارت 0.78 فیصد کی مضبوطی کے ساتھ 7384.91 پوائنٹس کی سطح پر ختم کی۔

اس کے علاوہ ڈی اے ایکس انڈیکس 0.59 فیصد اضافے کے ساتھ 16204.22 پوائنٹس کی سطح پر بند ہوا۔ایشیائی بازاروں میں آج ملا جلا کاروبار دیکھا گیا۔ ایشیا کی 9 میں سے 5 بازار معمولی اضافے کے ساتھ کاروبار کر رہے ہیں۔ جبکہ چار بازاروں کے انڈیکس گراوٹ کے ساتھ سرخ نشان پر نظر آرہے ہیں۔ گفٹ نفٹی 0.04 فیصد کے معمولی اضافے کے ساتھ 19866.50 پوائنٹس کی سطح پرکاروبار کر رہا ہے۔ اسی طرح اسٹریٹس ٹائمز انڈیکس 0.03 فیصد اضافے کے ساتھ 3275.32 پوائنٹس کی سطح پر رہا۔

ہینگ سینگ انڈیکس اب تک کاروبار میں 136.83 پوائنٹس یعنی 0.72 فیصد اضافے کے ساتھ 19064 85 پوائنٹس کی سطح پر پہنچ گیا ہے۔ اس کے علاوہ کوسپی انڈیکس 0.02 فیصد اضافے کے ساتھ 2600.68 پوائنٹس کی سطح پر اور شنگھائی کمپوزٹ انڈیکس 0.04 فیصد اضافے کے ساتھ 3170.94 پوائنٹس کی سطح پر کاروبار کر رہا ہے۔دوسری جانب، نکئی انڈیکس 122.71 پوائنٹس یعنی 0.38 فیصد کی کمزوری کے ساتھ 32367.81 پوائنٹس کی سطح پر ٹریڈ کر رہا ہے۔ اسی طرح، تائیوان ویٹڈ انڈیکس بھی اب تک کاروبار میں 182.84 پوائنٹس یا 1.07 فیصد کمی کے ساتھ 16982.05 پوائنٹس کی سطح پر پہنچ گیا ہے۔ اس کے علاوہ سیٹ کمپوزٹ انڈیکس 0.04 فیصد گر کر 1520.52 پوائنٹس کی سطح پر اور جکارتہ کمپوزٹ انڈیکس 0.02 فیصد کمی کے ساتھ 6849.19 پوائنٹس کی سطح پر کاروبار کر رہا ہے۔