وندھیا چل دھام میں پان گٹکھا پر پابندی، ایک ہزار جرمانہ

 مرزاپور: اگر آپ پان گٹکھا کے شوقین ہیں اور وندھیا چل آرہے ہیں تو محتاط رہیں۔ عالمی شہرت یافتہ وندھیا علاقے کی دیوی ماں وندھیاسنی دھام میں پان ، گٹکھا، زردا کے ساتھ تمباکو نوشی پر پابندی لگا دیا گیا ہے ۔ پکڑے جانے پر ایک ہزار روپئے کا جرمانہ لگا دیا گیا ہے ۔

ڈی ایم پرینکا نرنجن نے اس ضمن میں ہدایت جاری کردئیے ہیں۔ مندر کے انچارج افسر اور شہر مجسٹریٹ ونئے کمار سنگھ سے آرڈر کو سختی سے عمل درآمد کرانے کی ہدایت دی ہے ۔

مندر احاطے کے آس پاس پان گٹکھا فروخت پرپابندی عائد کردی گئی ہے ۔وندھیا چل میں بن رہے کوریڈور کے معائنہ کے لئے گئی ڈی ایم نے جب مندر کے آس پاس پان گٹکھے کی پیچ کی گندگی دیکھتی تو وہ بھڑک گئیں اور فورا پابندی لگا کر آرڈر جاری کردئیے ۔

شہر مجسٹریٹ ونئے کمار سنگھ نے بتایا کہ یہ پابندی مندر احاطے تک محدود ہے ۔ کوریڈور کا پورا حصہ احاطے میں شامل ہیں۔

انہوں نے بتایا کہ آج دوپہر ڈی ایم پرینکا نرنجن سمیت وندھیا اتھارٹی نگر پالیکا کونسل کے افسر اور شہر ایم ایل اے رتنا کر مشرا شامل تھے ۔قابل ذکر ہے کہ وندھیا میں کاشی وشوناتھ کے طرز پر 600کروڑ روپئے سے کوریڈور کی تعمیر کی جاری ہے ۔

یہ اسکیم اترپردیش کے وزیر اعلی یوگی آدتیہ ناتھ کی ڈریم پروجکٹ ہے ۔ آئندہ لوک سبھا الیکشن سے پہلے کوریڈور کا افتتاح کرنے کا منصوبہ ہے ۔