پاکستان نے سری لنکا کو چھ وکٹ سے شکست دی

 حیدرآباد : محمد رضوان کے 134 رن اور عبداللہ شفیق کے 113 رن کی ناقابل شکست سنچریوں کی بدولت پاکستان نے منگل کے روز تاریخ رقم کرتے ہوئے ورلڈ کپ کے سب سے بڑے ہدف کا تعاقب کرکے سری لنکا کو چھ وکٹ سے شکست دے دی۔

345 رنز کے ہدف کے تعاقب میں آنے والی پاکستانی ٹیم کا آغاز خراب رہا اور چوتھے اوور کی تیسری گیند پر 12 رنز پر اپنی پہلی وکٹ امام الحق کی صورت میں کھودی۔ اس کے بعد آٹھویں اوور کی دوسری گیند پر کپتان بابر اعظم 10 کے اسکور پر سری لنکائی باؤلر مدوشنکا کی گیند پر رن آؤٹ ہوکر پویلین لوٹ گئے ۔

اس کے بعد بیٹنگ کے لیے آئے محمد رضوان نے 119 گیندوں پر ناقابل شکست 130 رنز بنائے ۔ افتخار احمد نے 10 گیندوں پر ناقابل شکست 22 رنز بنائے ۔ دونوں کے درمیان 176 رنز کی شراکت ہونے سے سری لنکا کے ہاتھوں سے میچ چھین لیا۔

اوپنر عبداللہ شفیق نے 103 گیندوں پر 113 رنز بنائے ۔ 45ویں اوور میں تھیکشنا نے سعود شکیل کو 31 رنز پر ویلگھے کے ہاتھوں آؤٹ کر کے پاکستان کی چوتھی وکٹ حاصل کی۔ پاکستان نے 48.2 اوورز میں 10 گیندیں باقی رہتے ہی 345 رنز بنا کر چھ وکٹوں سے میچ جیت لیا۔

سری لنکا کی جانب سے دلشان مدوشنکا نے دو وکٹیں حاصل کیں۔ اس کے علاوہ مہیش ٹکشینا اور متیشا پاتھیرانا نے ایک ایک بلے باز کو آؤٹ کیا۔
پہلی اننگز میں کوسل مینڈس (122) اور سدیرا سمرا وکرما (108) کے درمیان 111 رنز کی طوفانی شراکت کی مدد سے سری لنکا نے منگل کے روز ورلڈ کپ کے میچ میں پاکستان کے خلاف نو وکٹوں میں 344 رنز کا مضبوط اسکور بنایا۔

راجیو گاندھی انٹرنیشنل اسٹیڈیم میں ٹاس جیت کر بیٹنگ کا فیصلہ کرنے کے بعد سری لنکا کو پہلا دھچکا دوسرے ہی اوور میں کوسل پریرا (0) کی صورت میں لگا لیکن اس سے قطع نظر پاتھم نسنکا (51) اور کوسل مینڈس نے احتیاط سے کھیلا۔