رائے بریلی : سڑک حادثے میں دو بزرگ خواتین کی موت

رائے بریلی: اترپردیش کے ضلع رائے بریلی کے لال گنج علاقے میں بدھ کی صبح قضائے حاجت کو گئیں دوبزرگ خواتین کی بھاری گاڑی کی زد میں آنے سے موقع پر ہی موت ہوگئی۔

پولیس ذرائع سے ملی جانکاری کے مطابق لال گنج علاقے کے کانپور لال گنج ہائی وے کے سیمبنسی موڑ پر صبح قضائے حاجت کو گئی دو بزرگ خواتین رام کلی(65) اور پھولمتی(66) کی ڈی سی ایم گاڑی کی زد میں آکر موت ہوگئی۔

بتایا جاتا ہے کہ صبح تقریبا چھ بجے دونوں خواتین قضائے حاجت کے لئے نکلی تھیں تبھی اچانک دونوں پیچھے سے آرہی تیز رفتار ڈی سی ایم گاڑی کی زد میں آگئیں۔ واقعہ کے فورا پولیس کو اطلاع دی گئی۔

اطلاع ملتے ہی پولیس موقع پر پہنچ گئی۔ پولیس نے دونوں کو پنچنامہ بھر کو پوسٹ مارتم کے لئے بھیج دیا ہے ۔

پولیس نے گاڑی کو قبضے میں لے کر ڈرائیور کو حراست میں لے لیا ہے ۔ واقعہ کا مقدمہ درج کیا جاچکا ہے ۔ اور آگے کی قانونی کاروائی کی جارہی ہے ۔