مہاراشٹر: موٹر سائیکل سوار نامعلوم افراد نے بس کو آگ لگا دی تمام مسافر محفوظ

یاوتمال پولس کے ڈاکٹر پون بنسوڈ کے مطابق ابتدائی معلومات سے پتہ چلا ہے کہ ملزم ہٹگاؤں ناندیڑ سے آیا تھا اور آگ لگانے کے بعد اسی سمت سے واپس آیا۔

مہاراشٹر: موٹر سائیکل سوار نامعلوم افراد نے بس کو آگ لگا دی، تمام مسافر محفوظ رہے۔
موٹر سائیکل پر سوار 5 سے 6 نامعلوم افراد نے بس کو روک کر اس پر پٹرول چھڑک کر آگ لگا دی۔

ریاست مہاراشٹر کے یاوتمال ضلع کی عمرکھیڈ تحصیل کے مارلیگاؤں میں کل رات نامعلوم افراد نے ایک ایس ٹی بس کو آگ لگا دی۔ تاہم اس میں کسی مسافر کو کوئی نقصان نہیں پہنچا۔ اس بس میں سوار تمام 73 مسافر محفوظ ہیں۔
جانکاری کے مطابق ناندیڑ ڈی پی سے ناندیڑ ناگپور کی بس کل رات پانگنگے پل پر پہنچی تو ایک موٹر سائیکل سوار نے پل پر بس کو روک دیا، پیچھے سے 5 سے 6 نامعلوم افراد آئے اور بس پر پٹرول چھڑک کر اسے آگ لگا دی۔

خوش قسمتی تھی کہ تمام مسافر ایس ٹی بس میں آگ لگنے سے پہلے ہی بحفاظت اتر چکے تھے۔ تھانہ عمر کھیڈ پولیس نے نامعلوم افراد کے خلاف مقدمہ درج کر کے تفتیش شروع کر دی ہے۔

یاوتمال پولس کے ڈاکٹر پون بنسوڈ کے مطابق ابتدائی معلومات سے پتہ چلا ہے کہ ملزم ہٹگاؤں ناندیڑ سے آیا تھا اور آگ لگانے کے بعد اسی سمت سے واپس آیا۔ سب نے منہ پر کپڑا باندھ رکھا تھا اور کسی نے کوئی نعرہ نہیں لگایا۔