جیل میں 8 کمرے عمران خان کے زیر استعمال اور علاج کیلئے 9 ڈاکٹر ڈیوٹی پر ہیں

اڈیالہ جیل میں قید چیئرمین پاکستان تحریک انصاف (پی ٹی آئی) عمران خان کو جیل میں تمام سہولتیں دی گئی ہیں۔ذرائع جیل حکام کے مطابق جیل میں 8 کمرے چیئرمین پی ٹی آئی کے زیر استعمال ہیں جبکہ ان کے کھانے اور علاج کیلئے 9 ڈاکٹر ڈیوٹی پر ہیں۔

ذرائع جیل حکام کا کہنا ہے کہ چیئرمین پی ٹی آئی کو ٹی وی کے 10 چینل دکھائے جاتے ہیں، ہر گھنٹے بعد چینل تبدیل کر دیا جاتا ہے جبکہ بیڈ، میٹرس اور اخبار کی سہولت بھی دی گئی ہے۔
اس کے علاوہ ورزش کرنے کیلئے سائیکل اور لوہے کا راڈ بھی لگایا گیا ہے جبکہ جیل میں واک کرنے کے لیے 20 فٹ کا صحن بھی موجود ہے۔

False propaganda is circulating that Imran Khan is being provided worst facilities in jail and that his life is in danger. Such claims are baseless and part of negative propaganda. pic.twitter.com/sAQBExu5kN

— Esha (@CreativeEsha_) November 1, 2023

ذرائع جیل حکام کے مطابق قیدیوں کیلئے بنایاجانے والا کھانا چیئرمین پی ٹی آئی کو نہیں دیا جاتا اس لیے کھانا پکانے کے لیے باورچی بھی دیا گیا ہے۔ذرائع جیل حکام کا کہنا ہے کہ چیئرمین پی ٹی آئی کی خواہش کے مطابق بھی انہیں کھانا پکایا کر دیا جاتا ہے۔

ذرائع کے مطابق قیدی کے اکاؤنٹ سے کھانے پکانے کی اشیاء باہر سے منگوائی جاتی ہیں، چیئرمین پی ٹی آئی کی سکیورٹی کیلئے باہر سے پکا ہوا کھانا دینے کی اجازت نہیں۔
ذرائع جیل حکام کا کہنا ہے کہ چیئرمین پی ٹی آئی کی ملاقات بنائے گئے کمروں میں کرائی جاتی ہے۔