نئی دہلی : وزیر اعظم نریندر مودی نے اتوار کو ورلڈ کپ میں جنوبی افریقہ کے خلاف جیت کے لئے ہندوستانی کرکٹ ٹیم کو مبارکباد دی اور ساتھ ہی شاندار اننگز کھیلنے پر وراٹ کوہلی کی بھی تعریف کی۔
وزیر اعظم نے آج سوشل میڈیا پلیٹ فارم ایکس پر پوسٹ کیا، “ہماری کرکٹ ٹیم ایک بار پھر جیتی ہے! جنوبی افریقہ کے خلاف شاندار کارکردگی پر ٹیم کو مبارکباد۔ زبردست ٹیم ورک۔ ہندوستانی ٹیم نے شاندار اننگز کھیلنے والے وراٹ کوہلی کو سالگرہ کا شاندار تحفہ بھی دیا ہے ۔
خیال ر ہے کہ آئی سی سی ورلڈ کپ کے آج 37ویں میچ میں ہندوستان نے وراٹ کوہلی کی 101 رن کی ناٹ آوٹ سنچری کے بعد رویندر جڈیجہ کے پانچ وکٹوں کی مدد سے جنوبی افریقہ کے خلاف 243 رن کی بڑی فتح حاصل کرکے ٹورنامنٹ میں اپنی جیت کا سلسلہ جاری رکھا ہے۔
