اڈو نے غلاموں کی تجارت پرافریقہ کے لیے معاوضے کی اپیل کی

اکرا، 15 نومبر (یو این آئی) گھانا کے صدر نانا اڈو ڈنکوا اکوفو- اڈو نے منگل کو براعظم پر بحر اوقیانوس کے درمیان غلاموں کی تجارت کے اثرات  پر  افریقہ کے لیے معاوضے کی اپیل کی۔

مسٹر اڈو نے  دارالحکومت اکرا میں ایکرا ریپریشنز کانفرنس کے افتتاح کے موقع پر  یہ اپیل کی اور ان  معاوضے کو طویل عرصے سے التوا میں بتایا۔

انہوں نے کہا کہ غلاموں کی تجارت کے اثرات براعظم اور افریقی باشندوں کے لیے تباہ کن رہے ہیں۔ غلامی کے پورے دور کا مطلب یہ تھا کہ ہماری ترقی معاشی، ثقافتی اور نفسیاتی طور پر رک گئی تھی۔

مسٹر اڈو نے ستمبر میں اقوام متحدہ کی جنرل اسمبلی کے 78ویں اجلاس سے اپنے خطاب میں معاوضے کا مسئلہ اٹھایا۔ انہوں نے کہا’یہ افریقہ کے ان دو کروڑ  بیٹوں اور بیٹیوں کے لیے وقت ہے جن کی آزادی چھین لی گئی اور انہیں  غلامی میں بیچ دیاگیا، اس کے ساتھ ہی  معاوضہ پانے کا بھی وقت آگیا ہے۔

چار روزہ تقریب، جس کا موضوع ’’انصاف کے مقصد کو آگے بڑھانا اور افریقیوں کو معاوضے کی ادائیگی کے لیے متحدہ محاذ کی تعمیر‘‘ تھا۔ اس میں  اسکالرز، قانونی ماہرین اور سول سوسائٹی کی تنظیموں کے نمائندوں کے ساتھ ساتھ متعدد افریقی سربراہان مملکت  اور حکومت کو ایک ساتھ لایا گیا۔