پریاگ راج میں مشتبہ حالت میں خاتون کی موت

پریاگ راج: ضلع کے صنعتی علاقے میں دوشنبہ کی صبح ایک شادی شدہ خاتون کی مشتبہ حالات میں موت ہوگئی۔پولیس ذرائع نے بتایا کہ اودھوگک علاقے کے مہاوری محلہ باشندہ دنیش کیسروانی کی تین سال پہلے میجا کی جیوتی نامی لڑکی سے شادی ہوئی تھی۔

اتوار کی رات اہل خانہ کھا کر سوئے ہوئے تھے صبح جیوتی مکان کی گیلری میں مردہ پائی گی۔ انہوں نے بتایا کہ مائیکے فریق کے لوگوں نے سسرال فریق میں سسر، ساس، جیٹھ، اور شوہر کے خلاف قتل کا الزام لگاتے ہوئے مقدمہ درج کرایا ہے۔ پولیس رپورٹ درج کر کے معاملے کی جانچ کررہی ہے ۔