خون عطیہ کیمپ وکمبل تقسیم پروگرام میں شامل ہوئے اکھلیش

لکھنؤ: سماجوادی پارٹی کے قومی صدر اکھلیش یادو منگل کو اچانک سوامی پرساد موریہ کے ساتھ کنگ جارج میڈیکل یونیورسٹی پہنچ گئے۔ دونوں رہنما کشواہا برادری کے خون عطیہ کیمپ میں شرکت کے لئے آئے تھے۔ کشواہا برادری کی طرف سے ہر سال نئے سال میں خون کا عطیہ کیمپ لگایا جاتا ہے۔

خون عطیہ کیمپ کا افتتاح کرنے کے بعد گاندھی وارڈ کے سامنے کمبل بھی تقسیم کئے گئے۔ دونوں رہنماؤں نے اس موقع پر لوگوں کو خون کا عطیہ دینے کی ترغیب دی۔ کے جی ایم یوکی بلڈ اینڈ ٹرانسفیوژن میڈیسن شتابدی فیز 2 کی عمارت میں ہے۔

عمارت پہنچنے کے بعد شعبہ کی سربراہ پروفیسر تلیکا چندرا نے اکھلیش یادو کا استقبال کیا۔ اکھلیش یادو نے کہا کہ وہ پہلی بار یہاں آئے ہیں۔ اس پر محکمہ کے سربراہ نے کہا کہ آپ نے ہی اس عمارت کا افتتاح کیا تھا۔