نیو ایئر پارٹی کیلئے 7لوگوں نے لوٹا تھا ٹرک، گرفتار

لکھنؤ: گوسائیں گنج میںمورنگ سے لدے ٹرک کو لوٹنےو الے بدمعاشوںکو پولیس نے گرفتار کرلیا ہے۔ ایک نابالغ سمیت 7بدمعاش پولیس کے ہاتھ لگ گئے ہیں۔ انہو ں نے نیو ایئر کی پارٹی منانے کےلئے لوٹ کی واردات کو انجام دیا تھا۔

پکڑے گئے ملزم مورنگ سے لدے ٹرک کو بیچ کر پارٹی کرنا چاہتے تھے۔ پولیس نے31دسمبر کو گوسائیں گنج میں ہوئے لوٹ واردات کا انکشاف کردیا ہے۔ اس ٹرک میں مورنگ لوڈ تھی ۔

ملزم نیو ایئر پارٹی کے لئے پیسوںکا انتظام کرنا چاہتے تھے۔ اسی کے سبب انہوں نے ٹرک کولوٹ لیا۔ مورنگ بیچ کر یہ لوگ پارٹی انجوائے کرنا چاہتے تھے۔ پولیس نےاس گینگ کے سات لوگوںکو گرفتار کرکےجیل بھیج دیا ہے۔

کرائم ٹیم نے لوٹ واردات میں شامل لوگوںکو پکڑا ہے۔ پکڑے گئے لٹیروں کےنام وکاس راوت، ابھیشیک یادو، امن راوت ، ساحل راوت، سوربھ راوت، گووندا راوت ہے۔ اس کےعلاوہ ایک نابالغ بھی پکڑا گیا ہے۔ کار میںسوار ہوکر آئے ان لوگوں نے جیل روڈ پر لوٹ کی واردات انجام دی تھی۔ واردات کے وقت سبھی نشہ میں بدمست تھے۔

ٹرک لوٹ کر انہوں نے اسے دوبگا منڈی میں کھڑا کردیا تھا۔ لوٹ کےبعد انہوں نے خلاصی اور ٹرک ڈرائیور کو مارپیٹ کر اتار دیا تھا۔ متاثرین کی شکایت کےبعد پولیس نے بدمعاشوں کی تلاش شروع کی تو ملزم جلد ہی گرفت میںآگئے۔