چلی: جنگلات میں خوفناک آتشزدگی، ہلاکتوں کی تعداد 112 ہوگئی، سیکڑوں افراد لاپتا

جنوبی امریکی ملک چلی کے وسطی اور جنوبی علاقوں کے جنگلات میں لگنے والی خوفناک آگ کے باعث ہلاک ہونے والے افراد کی تعداد 112 تک جا پہنچی ہے جب کہ سیکٹروں شہری لاپتا بھی ہیں۔

غیر ملکی میڈیا کی رپورٹس کے مطابق چلی کے وسطی علاقوں کے جنگلات میں کئی دنوں سے لگی آگ کے باعث لاکھوں افراد بے گھر ہوئے ہیں۔

جنگلات کے قریب واقع گھر اور کئی گاڑیاں آگ کی لپیٹ میں آگئیں، خوفناک آگ کے باعث 112 افراد ہلاک ہوگئے جب کہ سیکڑوں شہری تاحال لاپتا بھی ہیں۔

حکام کے مطابق آگ نے90 سے زائد مقامات کو گھیرےمیں لےلیا جس سے ایک لاکھ ایکڑ سے زائد اراضی متاثر ہوئی۔

چلی کے صدر گیبریل بورک نے دو روزہ قومی سوگ کا اعلان کرتے ہوئے خبردار کیا کہ ملک کو بہت بڑے المیے کا سامنا ہے، مزید بری خبروں کے لیے تیار رہنا ہوگا۔