کناڈا میں اپارٹمنٹ میں چاقو سے حملہ،  2 افراد ہلاک، ایک شدید زخمی

 اوٹاوا، 16 فروری (یو این آئی) کناڈاکے مونٹریال کے مغرب میں واقع ایک اپارٹمنٹ میں دو خواتین کو چاقو کے وار کر کے ہلاک  اور تیسری کو شدید زخمی کر دیا گیا۔

کناڈا کے سی بی سی نیوز چینل نے جمعرات کو اپنی رپورٹ میں یہ اطلاع دی۔ رپورٹس کے مطابق،  سوریٹے کیوبیک (ایس کیو) نے اعلان کیا کہ واؤڈریئل- ڈورین میں مسلح حملے میں دو خواتین کو مردہ قرار دیا گیا ہے، جب کہ تیسری، ایک 70 سالہ خاتون شدید زخمی ہے اور اسے مونٹریال کے اسپتال میں داخل کیا گیا ہے۔

رپورٹ میں بتایا گیا کہ پولیس نے جائے وقوعہ سے ایک 44 سالہ شخص کو گرفتار کیا۔ رپورٹ میں کہا گیا ہے کہ مشتبہ شخص کو معمولی زخموں کی وجہ سے ہسپتال میں داخل کرایا گیا ہے اور تفتیش کار اس سے دن  میں پوچھ گچھ کریں گے۔