کانگریس اور عام آدمی پارٹی میں الکشنی مفاہمت

لوک سبھا انتخاب 2024: دہلی میں کانگریس 3 اور عآپ 4 سیٹوں پر کھڑا کرے گی امیدوار، مشترکہ پریس کانفرنس میں اعلان
کانگریس لیڈر مکل واسنک نے کہا کہ انڈیا بلاک پارٹیوں کے درمیان سیٹوں کی تقسیم کو لے کر تبادلہ خیال ہو رہا تھا، طویل گفت و شنید کے بعد سیٹ شیئرنگ کو لے کر معاہدہ طے پایا۔

نئی دہلی: لوک سبھا انتخاب کے پیش نظر سیاسی سرگرمیاں دن بہ دن بڑھتی جا رہی ہیں۔ سیٹ شیئرنگ کو لے کر این ڈی اے اور انڈیا اتحاد کی پارٹیوں میں تبادلہ خیال کا سلسلہ بھی جاری ہے۔ اس درمیان دہلی میں انڈیا اتحاد نے سیٹوں کی تقسیم کا اعلان کر دیا ہے۔ ہفتہ کے روز کانگریس اور عآپ نے مشترکہ پریس کانفرنس کر واضح کر دیا کہ راجدھانی کی سات لوک سبھا سیٹوں میں سے چار پر عآپ امیدوار کھڑے کرے گی، جبکہ تین سیٹوں پر کانگریس امیدوار قسمت آزمائی کریں گے۔

دہلی کے کانسٹی ٹیوشن کلب کے ڈپٹی اسپیکر ہال میں آج کانگریس کی طرف سے مکل واسنک، دیپک باوریا، اروندر سنگھ لولی اور عام آدمی پارٹی (عآپ) کی طرف سے سندیپ پاٹھک، آتشی اور سوربھ بھاردواج پریس کانفرنس کے لیے پہنچے۔ اس دوران کانگریس لیڈر مکل واسنک نے بتایا کہ انڈیا بلاک پارٹیوں کے درمیان سیٹوں کی تقسیم پر تبادلہ خیال طویل مدت سے ہو رہا تھا اور اب اس سلسلے میں حتمی فیصلہ سامنے آ گیا ہے۔

عآپ رکن پارلیمنٹ سندیپ پاٹھک نے پریس کانفرنس میں کہا کہ آج جمہوریت جس حالت سے گزر رہی ہے، اس میں انتخابات کی چوری ہو رہی ہے۔ ایسے میں آج ملک کو ایک ایماندار اور مضبوط متبادل کی ضرورت ہے۔ اتحاد میں آنے کا مقصد ملک کو بچانا ہے۔ اس انتخاب میں انڈیا اتحاد مضبوطی کے ساتھ لڑے گا اور بی جے پی کی پالیسی کو الٹ پھیر کر کے رکھ دے گا۔

بہرحال، عآپ کو دہلی میں جو چار لوک سبھا سیٹیں ملی ہیں وہ نئی دہلی، جنوبی دہلی، مغربی دہلی اور مشرقی دہلی ہیں۔ کانگریس کے حصے میں چاندنی چوک، شمال مشرقی دہلی اور شمال مغربی دہلی سیٹیں آئی ہیں۔ علاوہ ازیں گجرات میں کانگریس نے عآپ کو بھروچ اور بھاؤنگر لوک سبھا سیٹ دینے پر رضامندی ظاہر کی ہے۔ باقی 24 سیٹوں پر کانگریس اپنا امیدوار اتارے گی۔ ہریانہ کی 10 لوک سبھا سیٹوں سے متعلق بھی عآپ اور کانگریس کے درمیان معاہدہ طے پا گیا ہے۔

کروکشیتر لوک سبھا سیٹ پر عآپ اپنا امیدوار کھڑا کرے گی اور بقیہ 9 سیٹوں پر کانگریس کے امیدوار بی جے پی امیدوار کے سامنے کھڑے ہوں گے۔ گوا کی دو لوک سبھا سیٹوں پر عآپ نے اپنے امیدوار کا اعلان کر دیا تھا، لیکن دونوں ہی نام پارٹی واپس لے گی۔ ایسا اس لیے کیونکہ دونوں لوک سبھا سیٹوں پر کانگریس اپنا امیدوار کھڑا کرے گی۔ چنڈی گڑھ کی واحد لوک سبھا سیٹ پر بھی کانگریس اپنا امیدوار اتارے گی۔ پنجاب میں ان دونوں پارٹیوں کے درمیان اتحاد نہیں ہو سکا۔ یہاں کی سبھی 13 لوک سبھا سیٹوں پر عآپ اور کانگریس کے امیدوار ایک دوسرے کے خلاف کھڑے دکھائی دیں گے۔

رپورٹ کے مصنف ول بیریٹ نے کہا کہ فضائی آلودگی اور موسمیاتی تبدیلیاں آج بچوں کو خطرے میں ڈال رہی ہیں۔موسمیاتی تبدیلیوں کی شدت میں اضافہ ہوتا رہے گا اور اس سے امریکہ میں بچوں کے لیے خطرات بڑھیں گے۔

2023 کی اسٹیٹ آف ایئر رپورٹ کے مطابق، مختلف کاؤنٹیز میں رہنے والے 18 سال سے کم عمر کے 27 ملین سے زیادہ بچے فضائی آلودگی کے کم از کم ایک مجموعہ کا شکار ہوئے۔ رپورٹ کے مطابق دمہ یا پھیپھڑوں کے دیگر امراض میں مبتلا بچوں کو زیادہ خطرہ ہوتا ہے۔