ماتوشری پر مہا وکاس اگھاڑی کی اہم میٹنگ

لوک سبھا انتخابات کے پیش نظر ماتوشری پر مہاوکاس اگھاڑی کے امیدواروں کو لے کر ایک اہم میٹنگ ہوئی۔ اس میٹنگ میں امیدواروں کے حوالے سے کامیاب بحث ہوئی۔ یہ میٹنگ تقریباً 2 گھنٹے تک جاری رہی، جس میں لوک سبھا انتخابات کی حکمت عملی پر تفصیل سے تبادلہ خیال کیا گیا۔

کل شیوسینا پارٹی کے سربراہ ادھو ٹھاکرے کی رہائش گاہ ماتوشری پر مہاوکاس اگھاڑی کی میٹنگ ہوئی۔ اس میٹنگ میں شیو سینا پارٹی کے سربراہ ادھو ٹھاکرے اور این سی پی (شرد چندر پوار) کے لیڈر شرد پوار، شیوسینا لیڈر اور ایم پی سنجے راوت، این سی پی کے ریاستی صدر جینت پاٹل وغیرہ موجود تھے۔ اہم لیڈروں کی یہ ملاقات لوک سبھا انتخابات کے آخری موقع پر اہم ثابت ہوگی۔ اس بات پر غور کیا گیا کہ لوک سبھا انتخابات کو لے کر مہواکاس اگھاڑی کی حکمت عملی کیا ہوگی۔