عید ملنے جارہے نوجوان کی سڑک حادثے میں موت:تھانہ ٹھاکر گنج علاقہ کا معاملہ

لکھنؤ: ٹھاکر گنج کے گلالہ گھاٹ کے پاس دوستوں کے ساتھ عید ملنے جارہے نوجوان کی موٹر سائیکل ڈیوائڈرسے ٹکرا گئی حادثے میں ایک نوجوان کی موت ہو گئی جبکہ موٹر سائیکل سوار دو دیگر لوگ زخمی ہو گئے.

ٹھاکر گنج کے احمد گنجبانشدہ19 سالہ ڈرائیور ارسو جمعرات دوپہر 2 بجے دو دوستوں افتخار اور نسیم کے ساتھ موٹر سائیکل سے عید ملنے نکلا تھا بھائی نفیس نے بتایاکہ موٹر سائیکل ارسو چلا رہا تھا گلالہ گھاٹ کے پاس موٹر سائیکل ڈیوائیڈر سے ٹکرا کر پلٹ گئی.

پولیس ملازمین نے تینوں زخمیوں کو بلرامپور اسپتال بھجوایا جہاں ارسو کی موت ہو گئی افتخار اور نسیم کو بنیادی علاج کے بعد چھٹی دے دی گئی.

ارسو کےکنبہ میں ماں رضیابیگم اور تین بھائی ہیں جن کا روروکربرا حال ہے کیونکہ محنت مشقت کر کے اپنے گھر کا خرچ چلانے والا وہی تھا ۔گھر والوں کے سامنے اب روزی روٹی کیلئے بھی اہم مسئلہ ہو گیا ہے ۔