حیدرآباد:دوکاروں میں تصادم۔دو افرادہلاک، تین شدید زخمی

حیدرآباد 13اپریل (یواین آئی) شہرحیدرآباد کے نواحی علاقہ گُرم گوڑہ میں دوکاروں کا تصادم ہوگیا۔یہ حادثہ ہفتہ کی صبح ونستھلی پورم پولیس اسٹیشن کے حدود میں اُس وقت پیش آیا جب ایک ٹہری ہوئی کار کو دوسری کار نے ٹکر دے دی۔اس حادثہ میں دو افرادہلاک اور دیگر تین افرادشدید زخمی ہوگئے۔

حادثہ کا مقام دلخراش منظر پیش کررہاتھا۔دونوں کاروں کو شدید نقصان پہنچا۔ایک کار کے حمایت ساگر سے مادھاپور جانے کے دوران یہ حادثہ پیش آیا۔مہلوکین کی شناخت میرپیٹ سے تعلق رکھنے والے سافٹ ویرانجینئرپرانئے اور ونستھلی پورم کے رہنے والے روی کے طورپر کی گئی ہے۔پولیس نے اس سلسلہ میں ایک معاملہ درج کرکے جانچ شروع کردی۔