لکھنؤ۔(نامہ نگار)۔ پارلیمانی انتخابات میں کانگریس پارٹی کے سینئر لیڈروں کے ذریعہ کانگریس امیدواروں کی حمایت میں کل مختلف پارلیمانی حلقوں میں انتخابی جلسوں کا انعقاد کیا جائے گا۔ مذکورہ اطلاع دیتے ہوئے ریاستی کانگریس کے ترجمان آر پی سنگھ نے بتایا کہ آل انڈیا کانگریس کمیٹی کے نائب صدر راہل گاندھی اکبر پور اور شاہجہانپور حلقوں میں کانگریس امیدوار کی حمایت میں انتخابی جلسہ سے خطاب کریں گے اور رامپور پارلیمانی حلقہ میں کانگریس امیدوار کی حمایت میں روڈ شو کریں گے۔ مسٹرسنگھ نے بتایا کہ آل انڈیا کانگریس کمیٹی کے جنرل سکریٹری و سابق وزیر اعلیٰ مدھیہ پردیش دگوجے سنگھ سنبھل اور مراد آباد میں کانگریس امیدواروں کی حمایت میں انتخابی جلسوں سے خطاب کریں گے۔ مسٹر سنگھ نے مزید بتایا کہ کرکٹ کھلاڑی محمد کیف آنولہ اور گونڈہ میں
انتخابی جلسوں سے خطاب کرنے کے بعد لکھنؤ میں کانگریس امیدوار کی حمایت میں منعقد ہ عوامی جلسہ سے خطاب کریں گے۔
